ನಾಟಕ ಕುರಿತು
ಕಳವು ಅಂದರೆ ಕಳ್ಳತನ. ಇದು ಮುನ್ನಡೆಯುತ್ತಿರುವ ಈ ಇಪ್ಪತ್ತೊಂದನೇ ಶತಮಾನದಲ್ಲಿ ಮನುಷ್ಯರ ಅಸ್ತಿತ್ವವನ್ನೇ ಕೆಣಕಿದೆ. ಕಂಗೆಡಿಸಿದೆ. ಹಾಗೆ ನೋಡಿದರೆ ಶಿಕ್ಷಣ, ಸ್ವಾತಂತ್ರ್ಯ, ಸಮಾನತೆ ಈ ಮೂರು ಸಂಗತಿಗಳು ಈ ಕಾಲದ ಜನ ಜೀವನದಲ್ಲಿ ಬೆರೆತು, ಇವುಗಳಿಗಾಗಿಯೇ ಜಗತ್ತಿನ ಎಲ್ಲೆಡೆ ಹೋರಾಟ ನಡೆಯುತ್ತಿದೆ. ಈ ಹೊತ್ತಿನಲ್ಲಿ ಇದರ ಹೊಟ್ಟೆಯಿಂದಲೇ ಹುಟ್ಟಿ ಬಂದಿರುವುದು ಈ ಕಳವು. ಜಗತ್ತಿನಾದ್ಯಂತ ಅನೇಕ ಕೃತಿಗಳು ಬೆಳಕಿಗೆ ಬಂದದ್ದು; ಕತ್ತಲಿನಲ್ಲಿ ಕಳೆದು ಹೋಗಿರುವ, ಅಂತೆಯೇ ತೋರುವ ಕಳವಿನ ಕುರಿತು ಬರೆದ ಆನಂತರವೇ ಯಾವುದು ಕಳವು? ಕಳವು, ಹಾಗೆಂದರೇನು, ಕಳವಿಗೆ ಕಾರಣ ಏನು? ಕಳವಿನಿಂದಾಗುವ ಪರಿಣಾಮ ಏನು? ಈ ಪ್ರಶ್ನೆಗಳನ್ನು ಎತ್ತಿಕೊಂಡಿರುವ ಕೃತಿಗಳು ಉಂಟು. ಮುಖ್ಯವಾಗಿ ಇವು ಕಾನೂನಿನ ಕಣ್ಣಿನಲ್ಲಿ ನಾವು ಹಾಕಿಕೊಂಡಿರುವ ‘ಸತ್ಯ’ದ ಬಾಗಿಲುಗಳನ್ನು ಮೀಟಿದವು. ಸತ್ಯದ ಬಗೆಗೆ ನಮ್ಮ ನಂಭಿಕೆಯನ್ನು ಅಲುಗಾಡಿಸಿದವು. ಇಲ್ಲಿ ಪ್ರೇಮಚಂದರ ‘ಕಫನ್’, ಬೇಂದ್ರೆಯವರ ‘ಸಾಯೋ ಆಟ’, ಲಂಕೇಶರ ‘ರೊಟ್ಟಿ’, ದೇವನೂರರ ‘ಕುಸುಮಬಾಲೆ’, ಅಮರೇಶ ನುಗಡೋಣಿಯವರ ‘ದಿಲ್ ಮಾಂಗೇ ಮೋರ್’ ಈ ಮೊದಲಾದ ಕೃತಿಗಳನ್ನು ನೋಡಬಹುದಾಗಿದೆ. ಈ ದಾರಿಯಲ್ಲಿ ಗೇಬ್ರಿಯಲ್ ಗಾರ್ಸಿಯಾ ಮಾರ್ಕ್ವೆಜ಼್ ಅವರ ‘ಈ ಊರಿನಲ್ಲಿ ಕಳ್ಳರೇ ಇಲ್ಲ’ ಕಥೆ ಇದೆ. ಮೇಲ್ನೋಟಕ್ಕೆ ಕಥೆಯಂತೆ ಕಂಡರೂ ಇಲ್ಲಿನ ಆಂತರ್ಯದಲ್ಲಿರುವ ಕಥನದ ಗುಣವು ಕಳವಿನ ನಮ್ಮ ಸಿದ್ಧಗ್ರಹಿಕೆಯನ್ನು ಒರೆಗೆ ಹಚ್ಚುತ್ತದೆ. ಈ ಮೂಲಕ ನಾವು ನಮ್ಮೊಂದಿಗೆ ಮುಖಾಮುಖಿಯಾಗುವಂತೆ ಉದ್ದೇಪಿಸುತ್ತದೆ.

ಸಹ ನಿರ್ದೇಶನ : ಜೀವನ್ ಕುಮಾರ್ ಬಿ.
ವಸ್ತ್ರವಿನ್ಯಾಸ : ನಂದಿನಿ ಕೆ.ಆರ್.
ಬೆಳಕು : ಕೃಷ್ಣಕುಮಾರ ನಾರ್ಣಕಜೆ
ಪ್ರಸಾದನ : ಮಹೇಶ್‌ಕುಮಾರ್, ರಾಘವೇಂದ್ರ ಬೂದನೂರು
ಸಂಗೀತ : ಪ್ರಶಾಂತ್ ಹಿರೇಮಠ್-ವಿಶ್ವಾಸ್ ಕೃಷ್ಣ
ರಂಗನಿರ್ವಹಣೆ : ರಾಜೇಶ್ ಬಿ.

ಪಾತ್ರವರ್ಗ 1:
ದೀಪಕ್ ಕೆ. ಅಗಸ್ತ್ಯ, ಮುರಳಿ ಜಿ., ಶಿಶಿರ, ರಾಘವೇಂದ್ರ ಬೂದನೂರು, ಧನ್ಯಶ್ರೀ, ಭವ್ಯ ಎಂ.ಜೆ. ಶಿವಮೂರ್ತಿ ಎನ್. ಮೈಸೂರು ಸುಧೀರ್, ಸಿಂಧೂರ್ ವಿ. ಭಟ್, ಗೌತಮ್ ಕೆ.ವಿ., ಹರ್ಷಕುಮಾರ್ ಎಸ್., ಬಿ. ಕುಲದೀಪ್ ಎಸ್.ಕುಮಾರ್, ಮಹೇಶ್‌ಕುಮಾರ್ ಎನ್., ಮಂಜು ಎಂ., ಬಿ.ರಾಜೇಶ್, ಮಂಜುನಾಥ ಶಾಸ್ತ್ರಿ, ರವಿಪ್ರಸಾದ್.

ಪಾತ್ರವರ್ಗ 2:
ಗಿರೀಶ್, ಮುರಳಿ ಜಿ., ಗೀತಾ ಪಡುವಾರಳ್ಳಿ, ಮೇಘನಾ, ಧನ್ಯಶ್ರೀ, ಅರ್ಪಿತಾ, ತೇಜಸ್ವಿನಿ, ಶಿವಮೂರ್ತಿ ಎನ್., ಧೀರಜ್, ಜಗದೀಶ್, ಸುಹಾಸ್, ದೇವನಾಗ್, ಮಹೇಶ್‌ಕುಮಾರ್ ಎನ್., ಮಂಜು ಮಂಗಲ, ಅಭಿರಾಮ್, ಮಂಜುನಾಥಶಾಸ್ತ್ರಿ, ಶಿವು.

ಮೊದಲ ಪ್ರದರ್ಶನ: 07.03.2013   ಸ್ಥಳ: ಶ್ರೀರಂಗ, ರಂಗಾಯಣ, ಮೈಸೂರು.